Смоларски водопад

Во северните делови на планината Беласица, на 600 метри надморска височина, во регионот на селото Смолари, се наоѓа Смоларскиот водопад.

 

Смоларе, како и сите села во Македонија, е мало и рурално место, во кое има едно од големиот број на природни богатства во нашата земја, а тоа се Смоларските водопади. За да стигнете до нив, потребно е да патувате по тесен и кривулест пат, по долниот тек на реката Ломница, позната и како Смоларска река, а кога ќе пристигнете таму за момент ќе останете неми од глетката.

Смоларскот водопад е највисокиот водопад во Македонија со висина близу 40 метри, кој инаку претставува единствениот постојан водопад во нашата земја со пад на водата од 39,5 метри.

Смоларските водопади се само ,,игла во сено”, односно мал дел од многуте природни богатства што нашата земја може да ги понуди. Велат, подобро е нешто да видиш еднаш, отколку за него да слушнеш илјада пати", затоа повелете заедно да ги видиме Смоларските водопади и другите природни убавини на Македонија во едукативната тура ,,Запознај ја Македонија”